香港IT落後就係人都知架啦，p2p payment，ewallet果d我都算，因為又未去到真係必需，又有好多麻煩少少嘅alternatives揀。但買演唱會飛就仲係停留喺石器時代咁。每逢稍為有dd名氣嘅星開show，果d濕尻票務系統一定係server busy入唔到嘅。想課金都仲要考你人品，睇吓你邊吓F5咁好彩俾你入到去個checkout page。不過入到去都唔代表你就一定俾到錢架，因為一日payment gateway未redirect你返黎你都唔算買到！最慘係呢d show通常都係得一個網上售賣點，你唔係話無選擇嘅，你只可以選擇唔睇或者硬食黃牛囉。吓，請一日假去通利排隊？少年你太年輕了，落通利就一定有飛賣？未排到你就賣晒啦！大佬，我想俾錢你賺呀，有無咁難呀！
今時今日咁嘅服務態度係唔夠架！- 劉德華
都咩年代啦，雲端雲端講咗咁多年，傳統幾個山頭嘅票務網站如urbtix，hkticketing，cityline都無用過真正cloud嘅system，佢哋只係用埋d陳年datacentre。想scale up？『搵專人幫你起多部機，聽日就用得架啦。』試問人人幾部機上網嘅年代又點會等到你d人手scale嚟頂住個traffic？
點解咁簡單嘅技術問題都無人想改善？原因好簡單，一個字：壟斷。
香港娛樂事業不嬲都係講關係，背後幾多污糟邋遢潛規則大家都時有聽聞。一直以來香港嘅最大問題唔係民主唔係獨立唔係錢，而係土地，所有嘅霸權都係衍生自土地霸權。呢d票務系統係會簽死某d場地，成為唯一或其中一個指定可以使用嘅票務公司。意思即係話，你book得呢個場，你就一定要用呢間或喺呢幾間入面揀。就算唔係壟斷，都係寡頭壟斷，無論你有幾把炮，自己開發個新嘅票務系統出嚟，又快又平都好，一日你要book佢哋d場，一日人哋都可以唔受你玩。既然坐喺度我都食硬你嘅，點解我要改善過系統方便你班蟻民fans？搞IT唔駛錢呀，你咪照鬧囉，唔好買吖笨。
d二手飛網站就睇準呢d不思進取嘅平台，用bot嘅方式同用家一齊搶飛，然後再炒高個價。呢d二手飛網站有好多假飛，你比咗錢隨時都入唔到場，呢度唔建議大家用果d平台去買飛啦。
市場上都唔係冇其他比較好d嘅票務平台架，聽講好似aegpromotion.com同hotdogtix.com呢兩間都係行真正嘅cloud。當中hotdogtix.com仲係Google Cloud嚟，當然佢哋就比較少event，未聽過有咩爆server嘅情況。最近中環摩天輪就用咗eventbrite，所有摩天輪飛都係用佢嚟成交，一日咁多個slot，咁多人去玩全部都係online買，個系統一d事都無。你幻想吓如果演唱會飛可以喺eventbrite度買到，你仲需要日日過馬路果陣特登搵d阿婆嚟扶嗎？
呢d比較新式嘅票務系統都係用QR code飛，慳番好多俾飛朋友，等人入場嘅時間，唔見飛嘅風險等等。偽冒？實體飛一樣有偽冒架，QR code做得好嘅話亦可以配埋實名認證去防偽。hotdogtix就做緊啦。之前佢哋個電子音樂show Creamfields係100% check身份證明文件，簡直就係誇張到一個點。。。
香港廢青想睇演唱會？睇嚟平時都係唔好同d廢老爭關愛座，積下福方為上策呀。
3/25更新：aegpromotion好過癮，資料網站就用aws，賣飛果part就用緊新世界hosting，即係假cloud。
