香港生死存亡之秋，最強的網軍，最強的奇招妙計，全部來自連登。
公開高官地址、發信去各國政府、取消佢哋護照、投訴違反人權公約、寫英文信去國際媒體、去中銀歎冷氣，呢d一切都係連登仔做的。到真係要召集人馬落場做嘢，亦都係連登仔主導。除咗做鍵盤戰士網上兇狠，實際要拋頭露面嘅時候亦唔會係碌撚。
我以最誠懇的態度多謝呢班世界級鍵盤戰士，你哋先係主宰時代嘅大軍師。時代巨輪轉動，完全係因為你哋嘅智力同奇策，多謝你哋嘅9up，香港d港豬先可以覺醒，我哋先可以仲殘存一線生機。自古英雄出少林，鍵盤戰神出連登，請受小弟一拜各位戰神。
作為一個稱職嘅老屎忽，當然要懷古一吓。
10多20年前，高登仔就是叻同醒的代名詞，全世界媒體都有記者上去高登搵料。如果高登力量仍然存在，今次反送中入面，應該可以見到高登仔嘅足跡。然而，所有鎂光燈都係聚焦連登，高登？WFC！
『高登已死』已經講咗唔知幾多年，來到今年2019，完全可以蓋棺定論。事實就係，曾經人才輩出（包括痴線佬）嘅高登而家只係一次死水，admin團隊繼續請人自己同自己傾計係無補於事架！有料高質嘅巴打一早跳船去Facebook Youtube LIHKG啦！
呢個時代仲睇緊高登的你只係廢柴老屎忽，你只係跟唔上潮流嘅loser，嗰度冇活力同創造力，響應時代號召，你應該摒棄高登以後改上連登。
身邊有人識牙joe，多年前曾經進諫過佢，仲有其老闆。
友：『你咁落去實執笠。』
牙joe：『我每個月收緊幾十萬廣告費。我哋d客想要實體雜誌，嚟緊我哋會出埋紙媒。』
友笑而不語，心諗呢個管理層根本就完全唔了解市場同User Generated Content嘅運作，屌都費閪事。然後就有了《巴絲打》果本垃圾。當然後來呢本咁撚垃圾嘅雜誌－目標只係俾牙joe自己打飛機－只有失敗收場，但近年佢又開始諗埋d屎橋。
話說四月時呢條撚樣懶好笑咁喺愚人節當日話要推出『膠幣』要同user分廣告費。當時夥拍一間科學園嘅公司話會出隻crypto，間嘢叫hkcexp。
